Ақын өлеңдері жинағы ✍️

Бұл жалғанда болған бірге тұрағы,
Пенделердің қоятын көп сұрағы.
Барлық затты атағанда санменен,
Бесеу десем – ойда Біреу тұрады.
Елдің көбі айтқанымды ұғады,
Есебім де дұрыс болып шығады.
Он деп, Жүз деп, оны тағы көбейтіп,
Мың деп жазсам – ойда Біреу тұрады.
Тоссын алдан талай өмір сынағы,
Ешкім Бірге қоя алмайды кінәні.
Бір дегенді Бір Алла деп таныған
Мұсылманның қолындағы Құраны.