Ақын өлеңдері жинағы ✍️

Сөз бастайын «Иншалла!» – деп,
Келген қауым қаншама көп?!
Тыным таппас ізгі рухың
Қалың елің қалса жүдеп.
Құран сөзін хақ көргендер,
Адалдықты жақ көргендер,
Өсіп-өніп жатса бүгін,
Көптен бата ап келгендер.
Бір Алланың құлы болдың,
Кесек сөзді, ірі болдың.
Жаны таза мұсылманды
Қолдап жүрген пірі болдың.
Табыстырып ұрысқанын,
Түзеп беріп тырысқанын,
Жүре берсін күліп-ойнап
Ұрпақтары Жүнісханның.
Қостанайға, Оралға да,
Семейге де, Аралға да,
Қалаға да, далаға да,
Нұрың жаусын, Марал баба!