14.07.2022
90
Алма бағы
Өмір маған алма бағы секілді,
Алма бақтан ой аулайсың не түрлі.
Қызыл алма ұққандай-ақ ниетіңді,
Қызықтырып, билеп алар еркіңді.
Құрт жайлапты өзегін кей алманың,
Шарасыздан бармақ тістеп, өкіндім.
Қызармай-ақ көктей солып кей алма,
Арманда боп қалды көп жан жей алмай,
«Қайтіп үзем?» – десе біреу қия алмай,
Арам қолын созды біреу ұялмай.
Бір делқұлы жемісті әлі піспеген,
Жұлып алып, салды ауызға, ой, Алла-ай!
Адамзаттан артылған ба айла-амал,
Бақша деген берік емес, жай «қамал».
Кезбе көңіл қай мезгілде жайланар,
Ес тоқтатқан кісі болса ойланар...
Бөліп жеген Адам ата, Хауа ана
Ең тәтті алма, бірақ, қазір қайда бар?!