Ақын өлеңдері жинағы ✍️

Күн ұяға батып кетсе ай тумай,
Шөптің басы қимылдаса жел тұрмай,
Дейді қазақ:
«Ойпырмай!»
Төсегінде жатып алса бай тұрмай,
Тілдегі сөз қалған болса айтылмай,
Дейді қазақ:
«Ойпырмай!»
Мыстың өзі жарқыраса алтындай,
Тура сөзді айтса біреу тартынбай,
Дейді қазақ:
«Ойпырмай!»
Елден бұрын айтар сөзім сарқылмай,
Соның көбін жазып қойдым жай тұрмай,
Ойпырмай!