Ақын өлеңдері жинағы ✍️

Өмірдің сайран бағында
Жайраңдап жүрген шағыңда,
Батқан күн, атқан таңың да,
Күйініп айтқан зарың да
Уақытша, бәрі уақытша.
Төрт түлік толған өріс те,
Төгіліп тұрған жеміс те,
Көгеріп шыққан шөбің де,
Сарғайып піскен егін де
Уақытша, бәрі уақытша.
Шомылған суға көлің де,
Жалғанда тартқан шерің де,
Тіріде жүрген жерің де,
Өлгенде кірер көрің де
Уақытша, бәрі уақытша...