Ақын өлеңдері жинағы ✍️

Жаспыз ғой жүрегінде жалыны бар,
Өмірдің өлшеп бермес тәлімін ал.
Ақын жанның, құрбыжан, біле білсең,
Сұлулық атаулыға жаны құмар.
Түнереді бұл өмір жүзі бұлттай,
Мына менің жанымның сырын ұққай.
Үр қызындай үстемдік еттің, еркем,
Жүрегімнің ішінде жұдырықтай.
Жаның асыл, қарасам, арың асыл,
Сөз айтқам ғой өлеңге жарығасын.
Өтінерім тек сенен бір-ақ нәрсе,
Дұрыс ұққын сөзімнің мағынасын.
Жастық шақ өтер, кетер күндер ерек,
Жүректі әлди әнге кім бөлемек?
Қазақтың мәрт жігіті бағың болып,
Бақыттан басың айналсын шыр көбелек!