Ақын өлеңдері жинағы ✍️

Қояр ма, сірə, жырлатпай
Қалаған жаңа жыл жетсе;
Қилы да қилы кітаптай,
Бірінен бірі ерекше.
Ойласақ өткен жылды біз,
Оқимыз алуан дастанды.
Ұшырған біздің жүр жұлдыз
Шиырлай кезіп аспанды.
Қиырға қилы шарықтар,
Қанатты қиял қысылмай;
Қадірлер оны халықтар
Тыныштық, бақыт құсындай.
Өнерін төгер өмірге
Өрісі шексіз жаңа ойлар.
Жарысар аспан төрінде
Жарқырап біздің жаңа айлар.
Құлпыра өмір мəңгі жас,
Көрсетер көркін сан алуан.
Салтынан сол бір айнымас –
Жылымыз соған жаралған!