12.07.2022
76
БІРЕР ЖОЛ
Алдымнан жайнап ашылған
Қарадым байтақ алқапқа.
Аяулы достар ұсынған
Баладым қызық кітапқа.
Қыстақтар қымтай жамылған
Қызыға көрдім бағыңды.
Құбыла гүлдер тағынған
Таныдым балғын шағыңды.
Бұрала аққан сылдырап
Қасымда Кура өзені,
Сөйлеген кейде сыңғырап
Секілді Кавказ көзелі.
Көзінен соның аумайды
Мөлдіреп піскен жемісің.
Көңілде бір от лаулайды
Қойғандай соны мен үшін.
Көздерің шалар бір шақта,
Қозғады ма екен мені сол?
Осынау əсем кітапқа
Қосайын мен де бірер жол.