Ақын өлеңдері жинағы ✍️

Мұнда ең бай əдебиет музейі,
Керек мұны көру үшін мың зейін.
Ғалым туыс, дереу ұшып сонда бар
Десең егер «тарихымды іздеймін».
Он екі сүре – Қорқыт бабаң дастаны,
Барлық Түркі өлеңінің бас жағы.
Одан бері «Ашық керіп», «Смаил шах» –
Махаббаттың жарқыраған аспаны.
Ордубади, Мамедкулизаденің,
Хайрен ханум жалғастырған əдебін,
Күн шығыстың естігендей əуенін –
Құлағыңа келеді бір əдемі үн...