Ақын өлеңдері жинағы ✍️

Ақылдысың,
Арлысың, тиянақты,
Жасамайтын ешкімге қиянатты.
Парасатты, пайымды, тапқырлығың –
Жырмен тербеп,
Жүрекке күй оратты!
Алмас қылыш секілді өткірлігің,
Жеңілдетіп жүргені көптің жүгін.
Арғымақтың жалынан жел естіріп,
Елің үшін –
Ерлікпен өтсін күнің!
Қаршығадай қағылез зеректігің,
Батыл жігіт өзіңдей –
Керек бүгін.
Құтты болсын, бауырым,
Жарты ғасыр,
Басылмасын ешқашан өр екпінің!
Жұртың үшін бақыт қой, жүдегенің.
Жақсылықты ұмытпай,
Жүреді елің.
Əдебиет, қазақтың өнері деп,
Соғып тұрған дүрсілдеп
Жүрегі өзің!