Ақын өлеңдері жинағы ✍️

Бақшада бұлбұл сайрайды,
Ырғалып, гүлдер жайнайды.
Сыңғырлап аққан бұлақтар,
Ақ маржан шашып ойнайды
Желпініп желмен тал-қайың,
Сүйейді тауға маңдайын.
Сайраған құстар даусына,
Қағады, дүние, таңдайын!..
Құлпырған жасыл сая-бақ,
Серуендеп келем, аралап.
Тербейді ару Алматы,
Сəбидей бəрін аялап!
Кірпігін малып шықтарға,
Шашырап шуақ шыққанда,
Аяулы, ару – Алматым,
Жанымды сендей ұққан ба!..
Бойыңды теңеп асқарға,
Ұмтылып тұрсың аспанға.
Аяулы, Ару Алматым,
Сұлулық сенен асқан ба.
Ұсынған жұртқа алмасын,
Жүзіңді мұнар шалмасын.
Əлемді атың шарласын,
Алматым,
Ару Алматым!