Ақын өлеңдері жинағы ✍️

Тұншықтырып кеудеме құса-мұңды,
Жаямын мейірлене құшағымды.
Биіктерде бөгетсіз самғасын деп,
Өлеңменен кесемін тұсауыңды.
Жаз болады жүрегім –
Күлімдесең.
Қуанышым,
Қызығым,
Гүлім де сен.
Үлесіме тиген-ді азапты жол,
Өмір жолын аттай ғой,
Сүрінбе сен.
Өткен күннің білмейсің бірін де сен,
Жығылар деп қорыққаным –
Дірілдесем.
Тəй-тəй, балам,
Тəй, балам,
Жүре қойшы,
Мен-ақ көпір болайын,
Сүрінбе сен!
Талай жырды жүректе əлдилегем,
Жырдың алау отымен жанды үрлеген.
Дарындылық,
Ақындық табиғаттан,
Ақылды бол,
Сергек бол,
Алғыр менен.
Жалғастырар жан болса,
Қалғыр ма өлең...