Ақын өлеңдері жинағы ✍️

Қайта келмес енді сол бір самал түн,
Еш көрінбес енді жарым сол алтын,
Енді естілмес шын рахат сонау əн
Бақ ішінде бұлбұл сайрап салатын.
Айта алмадым «көктем түні етпе!» – деп,
Айта алмадым «жарым тоқта, кетпе!» – деп,
Күңгірт аспан күздің күні басталды,
Үсті-үстіне қара жауын төпелеп.
Зымырады қайран дəурен, қайран жас
Шат-қызықтан жаның əсте айрылмас.
Қан суынып, сезім салқын тартқанда
Өкінсең де өткен қайтып қайрылмас.
1912