Ақын өлеңдері жинағы ✍️

Үрейді алып, мысты басып,
Қарашықты шел қаптады.
Мына күннің ыстығы асып,
Ми қайнатты шөлде аптабы.
Сексеуілдер ыңырсыды,
Шағыл төбе жылап тағы.
Таусылмайды ғұмыр сыны,
Суды сарқты бұлақтағы.
Құдай көзі сөнді, семді,
Бұрыннан да соқыр-тұғын.
Күту бекер енді «селді»,
Таппай жүрек отыр тыным.
...Мүлде қайтып ұшпағаның,
Болар еді Айға ләзім.
...Жұтпасыншы Үштағаның,
Қайда менің жайнамазым?!