17.06.2022
101
![](/uploads/shorttexts/author_image/4426c8a56b83bf45177903d9aa9c1c4d.png)
ЖОЛДА
Арқаның ақселеуі,
Тобылдың тораңғысы.
Жолымның бақ, демеуі,
Қорғаны болармысың?
Зарлы әнге салармысың,
Есілдің сәмбі талы.
Қол бұлғап қалармысың,
Сай-сайдың тал-бұтағы.
Қазаға сенбей көңіл,
Ой түтек тоқырады.
Түн қамап алған ба, кіл,
Өртеніп отына күн?
Асыққан осы халім,
Купеде отырғаным...
Бұйыртсын қайран шалдың,
Бір уыс топырағын!