Ақын өлеңдері жинағы ✍️

Тыпырлайды, жанығып, тағатсыздар,
Дауыл қарсы, қариды қанатты ызғар.
«Үш қайнаса сорпасы қосылмайтын»
Оралады аяққа талантсыздар.
Бағыты жоқ, ышқынып құлаштайды,
«Мені көрден» өресі бір аспайды.
Ең жаманы,шіркін-ай, аппақ айдын

Өнер көлін кіршіксіз ластайды.
Ар туралы ұлы ұғым ескірді ме,
Талантсыздың шамына өш кірді ме.
Өз жолымен әркімдер жүрсе не етті,
...Табалағым келмейді-ақ ешкімді де.