Ақын өлеңдері жинағы ✍️

Өзіңді жеп, өзіңмен келісе алмай,
Саяқтаусың аяғы кеміс аңдай.
Қаламыңның ұшында ит таласты,
Жеңісе алмай!
Дала да кең, күн жайлы,
Нысап та аман.
Бар мен жоқтың арасы үш-ақ қадам.
Есіңді жи одағай
«Омар Һаям».
Көкте Күнді көзімен құшақтаған.
Жүзің неге сазарған қысқы құмдай?
Кездесті ме кесір сәт,
Қысты ма ыңғай?
Еріп кеттің, беу сорлы, бері
Келсей...
...Су-су болған жейдеңді-ай,
Ұсқыныңды-ай!