Балаларға арналған тақпақтар ✍️

Туған тілдің бастауы,
Әріптерден тараған.
Әліппеден ең алғаш,
Білім алған бар адам.

Қолыңдағы әліппе –
Әріптердің тұрағы.
Сенің аты-жөнің де,
Әріптерден тұрады.

Әліппені ашқанда,
Барлық бала қуанған.
Сенің Ана тілің де,
Әріптерден құралған.

Жаза аласың енді сен,
Отан, Ана, Бала деп,
Әліппеден аттама,
Кетсең-дағы дана боп.

Жаза аласың енді сен,
Барлық сөзді дәптерге.
Әліппені үйреткен,
Ұстазыңды қастерле!