Ақын өлеңдері жинағы ✍️

Үргедек ой үрейленді,
Үрікті,
Өткен шақтың бәрі бейне күдікті?
Шындық үшін шайқастарға шыққанда
Өтірік те бірге «уралап» жүріпті...
Сенеміз бе?
Сенбейміз бе?
Қайтеміз?
Бүгін алшы кеше түскен тәйкеміз.
— Аралым! — деп айғайлап кеп, күні ертең
деп жүрмейік «Арал деген қай теңіз?»
Өткен шақты өлгенінше сынайық,
Өзімізге қандай баға ылайық?
Қызыл мата көрсеткендей бұқаға
Келешектің қарсы алдынан шығайық!