Ақын өлеңдері жинағы ✍️

Айналдық шаңырақтың иесінен,
Дәл бүгін айдарыңнан күй есілген.
Оң аяқ, ақ ниетпен келін болып,
Аттаған ақ босаға киесімен.
Қайырмасы:
Жұбайлар әні үшін,
Арайлы таң үшін,
Кел, бірге билейік
Ақ отау вальсін.
Ұл-бала өрісім,
Келінім – жемісім.
Ақ бесік тербеткен
Қазақтың тегісің.
Әкенің ат тұяғы сынығысың,
Ананың ар-намысы, тұнығысың.
Ат байлап, сусын ішер алтын діңгек,
Бабаның құрық ұстар бір ұлысың.
Ақ отау, асқар тауым, тұрағым бол,
Шөлдесем, сусын ішер бұлағым бол.
Отымның басындағы орынбасар
Келінім, шырақты бол шуағы мол.