Ақын өлеңдері жинағы ✍️

Ақ ниет, ақ бата терген
Көршіңе орын бер төрден.
Күндіз-түн көріп жүрсін деп
Тәңірім тарту ғып берген.
Қуаныш, мұңымыз бірге,
Көтерер жүгіміз бірге.
Сақталған сыбағам күнде,
Қаланған көршіммен ірге.
Қайырмасы:
Тәңірдің сыйы – көршілер,
Көңілдің күйі – көршілер.
Береке-бірлікті сақтап,
Үйіме жиі келші, кел.
Сені ұғар көршілер барда
Дәстүрді, бірлікті жалға.
Күзетшім, сырласым, көзім,
Мен жүрген жерден сен қалма!
Сыңғыры сырлы тостағым,
Ырысым, сыйым қосқаным.
Құдайы көршілеріме
Тағзым ет, кәне, достарым!