Ақын өлеңдері жинағы ✍️

Ақ бата беріп жолыма,
Ұшырдың мені ұядан.
Бауырлар ерткен соңыма
Ұямды қалай қия алам?!
Аялап баққан анашым,
Сәби боп саған қаламын.
Әкенің орны дара-шың,
Қия алмай кетіп барамын.
Таңдаған бүгін күн ұлын,
Жүрегім, енді сөйлеп көр.
Өзгеге қиған ғұмырын
Қыз деген қандай бейнетқор?
«Қыз – өріс» деген осы екен,
Қатардан қалай қалайын?
Теңімді тауып, дос етем,
Батасын берсін ағайын!