Ақын өлеңдері жинағы ✍️

Астарын айтып ғашықтың,
Жасыппын, кейде тасыппын.
Аңсарлы дәурен жетелеп,
Алакөл жаққа асықтым.
Арқалап жүгін ананың,
Жарамды жырмен таңамын.
Қорқақ көңілім қорғалап,
Ертеңге кетіп барамын.
Сыбырын естіп самалдың,
Ақ үннен туған амалмын.
Ақ түтек көңіл абдырап,
Адыра отауға қамалдым.
Сабырым сарқып санамда,
Төзімді тасқа соғам ба?
Лағынет айтып қоғамға,
Үндемей әлде қалам ба?
О, мылқау жүрек, не дейсің,
Ақылға неге келмейсің?
Пенделік ғұмыр қалайсың,
Ақынға сен де өгейсің...