12.06.2022
83
![](/uploads/shorttexts/author_image/1-122.jpg)
ЖАН ШУАҚ
Жанымның шуағы деп күнге сенiп,
Мен кейде өздi-өзiммен тiлдесемiн.
Ойраны шыққан дала секiлденiп,
Қорғансыз қоңырайған күй кешемiн.
Кей-кейде өзгешемiн, таңғаламын,
Беймезгiл тосылғандай арман-әнiм.
Жүзi қайтқан тағдырдың пышағынан
Қорғансыздау жаныммен қорғанамын.
Бере көрме, тағдырым, қосыма мұң,
Мен сонша мұң-мұнардан тосыламын.
Қынабы жоқ қылыштан қорыққандай
Күтпеген жанжал шықса шошынамын.