Ақын өлеңдері жинағы ✍️

Әзілмен сақтық үшін
Ойнадың қатты қысып.
Көз, шіркін, санаса ма,
Қалады соқтығысып.
Жырымды биіктетіп,
Өзіңді сүйікті етіп.
Жанымды дір еткіздің,
Байқаусыз тиіп кетіп.
Сені аңсап, іздейді ішім,
Уақыт біз деймісің?
Жаңбырдай жылға қуған,
Сен мені іздеймісің?!
Отырмын. Ойда басым.
Біреуге жай ғанасың.
Білемін, оңашада
Мен жайлы ойланасың.
Кетесің хабар шалмай,
Қоясың назар салмай.
Жылытасың жанарыңмен,
Көңілімді тазарта алмай.
Бір сезім жеңген кезде,
Құмарлық көмген кезде,
Тұнығым шайқалады
Мен сені көрген кезде