Ақын өлеңдері жинағы ✍️

Жаныма келіп «Күнім» деп,
Түсімде жүрсің күлімдеп.
Жанарым бұлдыр болды да,
Жарығым кетті дірілдеп.
Соңымда қалып шырай күн,
Қызығын кімнен сұраймын?
Жанымда жарым жатса да,
Мен неге жалғызсыраймын?!
Алданыш өмір тепкісін
Көрдім. Көндім. Кекті ішім.
Сен бірге келген көктем боп,
«Келем» деп жүрген жоқпысың?!
Ай болып бірге атасың,
Күн болып бірге батасың.
Жақұтқа толса жанарым,
Кеудемде өзің жатасың.
Өңім боп толған қызыл күн,
Түсімде қалай бұзылдың?!
Тірлікте мәңгі табыспас
Мен сенің қорғансызыңмын.