Ақын өлеңдері жинағы ✍️

Тағдырдың суық желі ме,
Жайдары жазда тоңдық қой.
Екпіндеп шығар төріне,
Достан да жұрдай болдық қой.
Қайтейін көктем тез өтті,
Тайғаны бақтың сол ма екен.
Мен сүйген ару – аққу қаз,
Қай көлге барып қонды екен.
Барады асып жиектен,
Зымырап, зулап ұшқан ай,
Пыр етіп ұшқан жүректен,
Секемшіл, сері құстар-ай.
Күзбенен бірге түсті ұшып,
Ағаштан сарғыш көбелек.
Келеді енді қыс түсіп,
Айтып та айтпай не керек.