Ақын өлеңдері жинағы ✍️

Торғайдың атырабында
Өткен талай ұрыстар бар.
Торғайдың топырағында
Қираған қылыштар бар.
Тұлпарлардың тұяқтары
Қара жерді тепкілеген.
Жылап бала, жылап кәрі,
Медеу беріп дос тілеген.
Ат арыды ауыздықтан,
Нәр татпаған қанша күннен.
Ел езілген жауыздықтан,
Қара жерге қан төгілген.
Тар заманның жат тынысы
Талай тағдыр тайталасқан.
Амангелді ақ қылышы
Адалдықты айқара ашқан.