Ақын өлеңдері жинағы ✍️

Құбылғаның қас-қағым,
Жұртқа мынау бәрі – аңыз.
Қиғаш біткен қастарың
Қап-қара екен, қара қыз.
Қара түндей жайлылық,
Қара көйлек мақпалдай.
Жанарыңда Ай туып,
Тербеп келе жатқандай.
Кеуде керген қос алмаң,
Тағатымды тауысып.
Сабыр деген тосаңнан,
Қалғандаймын ауышып.
Сыр тартқанда тереңнен,
Қиялдар да туар мың.
Қара қыз бен қара өлең,
Мен сендерге құмармын.