Ақын өлеңдері жинағы ✍️

Қалайша айта аламын?
Қалайша айта аламын,
Келмейді,
Басқаны қайталағым.
Сен өзің бір түрлісің,
Басқаға ұқсамайсың,
Құсы едің біздің ауыл,
Бұл жақта қыстамайсың.
Сен өзің бір түрлісің,
Кешемін бәрін-бәрін.
Қылықты күлкің үшін,
Сыртың ғой қарапайым,
Көрген көз сұқтанбайды,
Сыңайы – сылқым ішің,
Сен өзің біртүрлісің.
Тағы да айта аламын?
Келмейді,
Басқаны қайталағым.
Жай ғана құрметіңді,
Жүз есе қайтарамын,
Басқа не айта аламын?..