Әңгімелер жинағы ✍️

Оралхан Бөкей Алматыға барып орныққаннан кейін мен ҚазМУ-де сырттай оқыдым да, алты жыл бойы жылына бір рет сессияға, 40 күнге барып қайтып тұрдым. Лекциядан, емтиханнан босай қалғанда, Орекеңнің жұмыстан қайтар уақытында жұмысына бара қоям. Әуелгіде «Лениншіл жас- та», кейіннен «Қазақ әдебиеті» газетінің редакциясында іс- теді ғой.
Сондай кезде, жұмыс орнында немесе жолшыбай та- ныстары кездеседі. Кейбір атақты ақын-жазушыларды га- зет-журналдардан көріп, кітаптарын оқып жүргендіктен тү- сінен шырамытамын. Оралхан мені сонда: – Елден келген інім,.. – деп таныстырады.