06.06.2022
  129

Автор: Жұматай Жақыпбаев

АҚҚҰБА ӘН

Бойы дәл, маған жасы дәл,
Дастаннан алған атты да,
Қап-қара көзі, шашы бар,
Ән көріп едім аққұба.
Арманда кеткем, не дейін,
Ауылын жайлап құсаның.
Толсын деп әнге көмейім,
Толсын деп әнге құшағым.
Бағы бар жанға жолығар,
Жарылқап маған жатты да,
Басы бар, аяқ-қолы бар,
Ән көрдіңдер ме аққұба?!


  Аққұба ән Жұматай Жақыпбаев өлеңдері Жұматай Жақыпбаев

Қарап көріңіз 👇

  МАМЫРЫМ МЕНІҢ... ᐈ
  КӨКТЕМГЕ ХАТ ᐈ
  ЖАЗ КҮЙІ ᐈ
  ОЙСАЗДА ᐈ
  Шақылдақ зытып, көз таса болған заматта... ᐈ


Пікір жазу