Ақын өлеңдері жинағы ✍️

Жуаспен жолдас болдым,
төрелермен,
«Ө» десем, көмейімнен өлең өрген...
Бұзық та болдым біраз болмағасын,
Әйтсе де бәрін менен көре берме.
Қалқам, сен бұл пақырды көп іздеме,
Табарсың түбі кітап-сөрелерден.
Жабықсаң, ішіңе үңіл, өзіңді ізде,
Көп қыртқа көпіршіген сене берме.
Мұратын жүзге балап, мыңға
арнаған
Бір ақын мына мендей керек елге.
Қолыңнан келмегенге – қауқарың
жоқ,
Айтарсың арыз ғылып мен өлерде.
Сол ғана жебеген де, демеген де,
Барымша адал болдым мен өлеңге.
Тұра тұр, бәрін айтып болғаным
жоқ,
Сөзімді, айналайын, бөле берме.
Қалқам-ай, мен шықпаспын сенен
өрге,
Қатамды қаузай берме, тере берме.
Өмірде мен болмасам, қайтер едің,
Адам боп жаралмасам мен егер де?!