Ақын өлеңдері жинағы ✍️

Ақындарын туғызар заман ғана,
Заманыңды, ақыным, жамандама!
Ғаламды да бұзатын, заманды да
Дию, пері, жын емес, адам ғана.
Қандай текті болсаң да, бабаң дана,
Сені жолдан тайдырар адам ғана.
Заман – халық болмысы бет бейнесі,
Заманынды, халқынды жамандама.
Заманына бас ие – адам ғана,
Дана болса бас иең – алаңдама.
Қой үстіне бозторғай ұя салып,
Тыныштық орнар калаң, далаңда да.