Ақын өлеңдері жинағы ✍️

Ұлы далам, ұлы анам,
Құдіретіңе табындым.
Сағым жортқан боз жусанды,
Сардаламды сағындым.
Ұлы қала болған емес,
Болмайды да ешқашан.
Ұлы қала деген болсам,
Ақылымнан жаңылдым.
Ұлы дала, ұлы ананың,
Балапаны – қалалар.
Дала біреу, ал қалалар,
Жүздеп, мыңдап саналар.
Орман-тау да,
Бақша-бау да,
Алақаныңда ұлы анам,
Сенде туды,
Пайғамбар да, Перғауын да даналар.