Ақын өлеңдері жинағы ✍️

Қара арғымақ арыса,
Қарға адым жер мұң болар.
Кәріліктен, жоқтықтан,
Кәдірлі басың сұм болар.
Арылдаған арыстан,
Айға шауып мертіксе,
Аңдығаны тышқан мен
Шимайланған жым болар.
Тәубе, тәубе бәріне,
Орынсыз асып-тасыма.
Кәрілік пен жоқшылық,
Келмейді деме басыма.
Талығың жүріп тұрғанда,
Талқаныңды бөліскін.
Жақсылығың болмаса,
Жан жоламас қасыңа.