Ақын өлеңдері жинағы ✍️

Төгіліп, төсек болып жапырағың,
Сөгіліп көкірегің, атырабың.
Күз келіп, құба белмен құс жолында,
Үзілмей күндіз-түні жатыр әнің.
Өз сәні, өз әнімен күз де кетер,
Шағады құстар мұңын бізге бекер.
Баласын ұмытпайды ана-дала,
Баласы дала-анасын іздеп өтер.
Көл де анау ауық-ауық аһ ұрады,
Толқынын толқын қуып сапырады.
Құс болып көлге енді қонып жатыр,
Күзелген бау-бақшаның жапырағы