05.06.2022
89
![](/uploads/shorttexts/author_image/1b1c9a633cc981fb348840e571240a7e.jpg)
* * *
Под шум и звон однообразный,
Под городскую суету
Я ухожу, душою праздный,
В метель, во мрак и в пустоту…
А.Блок
Басылмай желік көңіл,
Құстардың көшіне ердім.
…Тағы да елітті Өмір,
Тағы да есірермін…
Төсінде сор қаланың –
Жазмышым таңбаланған.
Адасты жолда бағым,
Адасты аңғал арман.
…Түнемел. Қызыл іңір.
Көшелер күрсінді үнсіз…
Шыбынның ызыңы «жыр»,
Тағы сол…тылсым нұрсыз.
Даладай кең көңілім
Тар үйдей тарылғаны…
Қанша екен енді өмірім –
Қамшының сабындағы?..