Ақын өлеңдері жинағы ✍️

«Ұл туды»,– дейміз,
Ез қылмай, ер қып тəрбие берер
Адамың бар ма?
«Ұлт болдық»,– дейміз,
Ұлт қамын ойлар, ертеңге сенер
Заманың бар ма?
«Ер екен»,– дейміз,
Көп еді, шіркін, жақсылар неткен,
Жаманың бар ма?
«Ел екен» – дейміз,
Көл болып жатса көз жасың төккен,
Амалың бар ма?
«Қор болдық», – дейміз,
Басылмай өртің, бармағың шайнап,
Көрсетпей жасты.
«Не қылдық?» – дейміз,
Іштегі дертің қазандай қайнап,
Шайқайсың басты.
Қабағың қырау,
Жағаңа біреу жармасып жатса,
Етектен тартып,
Қазаққа мынау,
Ел-жұртқа тіреу болсаң да патша,
Өлгенің артық.