Ақын өлеңдері жинағы ✍️

Əрбір күні бағалы болған жандай қылтамақ,
Түгесіліп барады алдымдағы күнпарақ.
Байланғандай көгенге жүрмей қалса қаламым,
«Не тындырдың?» – дегенге жауап таппай қаламын.
Алып қашқан асаумен жағаласып жүргенде,
Өмір, шіркін, бос əуре, кетеді өтіп бір демде.
Жо-жоқ, досым, жалғасқан тіршілігің əуре емес,
Күн мен түні алмасқан мына жалған мəңгі егес.