Ақын өлеңдері жинағы ✍️

Қаралы жұрт қарияны көтерген,
Көкжиекке сіңеді деп күтем мен.
Көз ұшында қарауытқан сұлбасы,
Мазарлар ма ақырлары бітелген.
Əкемнен де ауыр жүкті көтерген,
Шешемнен де қасиетті сүт емген,
Бірте-бірте ажыратқан ажалдың,
Əуселесі таусылар деп күтем мен.
Жан болсаң да парыздары өтелген,
Дəм таусылар, сөнер жарық, бітер дем.
Тоқтамайтын сол бір көштің қаралы
Ең соңында келе жатыр екем мен.