Ақын өлеңдері жинағы ✍️

Леонардо да Винчи живописьті
барлық өнерден биік қойса,
Микеланджело өнер патшасы мүсін деп есептеген.
Мені өмірге ғашық қылған ұдайы,
Көрдім ғажап суреттерді шынайы.
Қасиетін танып тастан мүсіннің,
Сұлулықтың мағынасын түсіндім.
Ақ арыммен, бойымдағы барыммен,
Жалындаған жүрегімнің қанымен
Ақ қағазға салдым өмір өрнегін,
Поэзия!
Құдіретім сен менің!