Ақын өлеңдері жинағы ✍️

Ақсақал!
Құттыбай екен есіміңіз,
Құт болып арта берсін несібіңіз.
Ұлы той – құрылтайым құтты болсын,
Артықтау кетіп жатсам, кешіріңіз.
Ана тіл анамыздың сүті емес пе,
Атажұрт атамыздың құты емес пе,
Бұл тойға сан тараптан ағылған жұрт
Жараны ойсыраған бітемес пе?!
Əлі де қуанышқа кенелерміз,
Арманның шуағына бөленерміз.
Түріктен қанша қызық көрсеңіз де,
Өрбісін атажұртта немереңіз.