Ақын өлеңдері жинағы ✍️

Сурет емес бұл тегі,
басқа мағына бар мұнда:
Қызыл бұзау үркеді
арқандалған шалғынға.
Қара еменнің басында аспан қалғыды,
Жапырақтар жалбақтауын қоймайды,
бірі – мимен,
ал бірі
Құлағымен ойлайды.
Ал, сөз бүгін – ересек,
дәл береді ұғымды:
менсінбей тұр кәрі есек
желідегі құлынды.
Затын – есек демесек
есекте де көп есеп:
«Тұлпардікі келешек!»
деп ақырды көк есек.
Құдіретің кім, құсың кім –
жүргізді есек есепті...
сен де бәрін түсіндің
құлағымен есектің.