Шыныңды айтшы, жазғандарым өлең бе?
Не дейді жұрт жоғарыда, төменде.
Ай, тірімде ала алмаспын бағамды,
Ала-құла қайшылығы көп елде.
Оның рас жасанды өлең жазбаймын,
Өлең үшін өліп кете жаздаймын.
Қиқу салып құстар ұшса төбемде,
Мен төменде жалғыз ұшқан қаздаймын.
Жыр жолында жағаласпай, таласпай,
Күндерім аз жататұғын таң аспай.
Кейде отырып өзіме-өзім мəз болам,
Бұтағына бұлбұл қонған ағаштай.
