Ақын өлеңдері жинағы ✍️

Емеспіз надан оншама,
Халықпыз жаны тозбаған.
Өнерсіз қазақ болса да,
Өлеңсіз қазақ болмаған,
Саздарға бөлеп сар түнді,
Қобызын тартып қарт бабам.
Жамбасқа батқан алтынды,
Көшкенде тас деп артпаған.
Əн-күймен жетіп мұратқа,
Жиһазға көңіл қоймаған.
Домбырасыз бірақ та,
Қазақтың үйі болмаған.
Қыс қаһарлы, жаз үнді,
Сыбызғы жасап қурайдан.
Қорқыт пен Құрманғазыны,
Кем көрмеген құдайдан.
Салт-санада тəуелсіз,
Халықпыз өнер жинаған.
Мың қойлық қызын кəдесіз,
Өнерпазға сыйлаған.
Емеспіз надан оншама,
Халықпыз жаны тозбаған.
Өнерсіз қазақ болса да,
Өлеңсіз қазақ болмаған.