Ақын өлеңдері жинағы ✍️

Бір жағынан қарасаң –
Кəдімгідей тəп-тəуір;
Бір жағынан қарасаң –
Əлі күнге тым ауыр.
Тырбаңдаған тірлігім.
Былай тартсаң –
Арба мұң,
Былай тартсаң –
Өгіз мұң,
Ұзатпайды қарға адым,
Шиырынан көп іздің.
Бір күнге сын бір күнім.
Теріскейі тұнып тұр,
Күнгей беті аңызақ.
Бір шумақ жыр қылықты,
Сыланады таң ұзақ –
Сілемді де қатырып.
Желкілдейді желменен,
Көңілімнің құрағы.
Көп күткізіп келмеген,
Шабыт та шарқ ұрады,
Шартарапқа шақырып.
Шыға алмайды атылып,
Екі ұдай... тақырып.