Ақын өлеңдері жинағы ✍️

Алыс жолда тоқтамадым,
ыңғайлы деп бұл ара,
Қиналсам да боқтамадым,
соттамадым,
сынама!
Ел бiрлiгiн ойлап едiм,
жан ышқынып,
жасындап,
Сол арманым қайда менiң
орындалмай, тына ма?!
Заманалар жөңкiледi:
Кiмсiң,
Қанша – бəрiбiр.
Ер батқанмен мөңкiмедiм,
көнбiстiгiм – дəрi-дүр.
Жəй боқтау да,
Ғайбаттау да
көсегенi көгертпес,
Бастар алыс айлақтарға
желкендi жыр –
кəрi жыр …