Ақын өлеңдері жинағы ✍️

Сайқалдық дерті сананы тіліп,
«Батысты» бізге лақтырды.
Сүйкімді сезім сағымға сіңіп,
Сүреңсіздері сап құрды.
Билейді жастық селкілдеп,
Тала,
Зердесін қысқан қылбұрау.
Жайқалып тұрған желкілдеп қана,
Əдепті мазақ қылдық-ау!
Салтымнан сəнді қадір кетіп бір,
Діңкелеп тұрмын,
Аш жүріп.
Жапонды əне ұлы ел етіп тұр,
Сақталған тіні – дəстүрі.
Əрине, кең-ақ көсілген ғалам,
Дала ғой сенің мекенің.
Адаспай тұрып біліп ал, балам,
Құбылаң қайда екенін...