Ақын өлеңдері жинағы ✍️

Сүйемiн мен
күздiң түнгi аспанын,
Сан жұлдызын
шебер шашып тастаған.
Қиял құсы
сол бiр сəтте қас қағым,
Шетсiз-шексiз
армандарға бастаған.
Қаз бауыр бұлт
сұлбасынан сыз өткен,
Көштi баяу
сылқым ғана тербелiп.
Тү-ү-у алыста
Ай ғана тұр күзетте,
Құс жолы да
жөңкiлгендей желге ерiп.
Дала тұман,
бау да тұман,
айнала,
Тау мұнартар
ертоқымын жастанып.
Сүйем ерен
күздiң түнiн жайнаған,
Сүйем сенi,
туған жердiң аспаны!